АНУ, Израилын хамтран эхлүүлсэн дайн найм дахь өдрөө үргэлжилж байна. Урд шөнө Израил Тегераны хамгийн хөл хөдөлгөөн ихтэй онгоцны буудлыг онилжээ. Тэд хэд хэдэн удаа Мехрабад буудал руу агаараас дайрч, онгоцнуудыг нь устгасан. 

Иргэдийн цахим сүлжээнд байрлуулсан дүрс бичлэгүүдэд онгоцны буудал шатаж байгааг харуулжээ. Мехрабад нь дотоодын нислэг үйлддэг онгоцны буудал юм. Израил Иранд өргөн хүрээний цохилт өгөхөө мэдэгдсэний дараа онгоцны буудал шатаж эхэлсэн байна. 

Израил энэ сарын 4-нд мөн энэ буудлыг онилж, агаарын хүчинд нь аюул учруулж болзошгүй тул урьдчилан сэргийлэх арга хэмжээ авлаа гэж мэдээлж байжээ. 

Ираны Улаан загалмайн мэдээлснээр сүүлийн найм хоногт 1300 хүн амиа алдсан. Ираны Ерөнхийлөгч Пэзэшкиян зарим улсаас хэлэлцээг зуучлах санал ирсэн гэжээ. Дайны улмаас Ливаны нийслэлээс 300 мянган иргэн нүүжээ.

Эх сурвалж: BBC