Өнгөрсөн долоо хоногт төрийн байгууллагын хүнд суртал, чирэгдэл, төрийн албан хаагчийн ёс зүйн асуудлаар 5 гомдол, мэдээлэл иржээ. Гомдлын дагуу асуудлыг хянан шалгаж, авлигын эсрэг сургалтад 120 хүнийг хамруулсан байна.

АТГ-ын Урьдчилан сэргийлэх, соён гэгээрүүлэх хэлтэс энэ сарын 3-7-ны өдрүүдэд авлигын эрсдэлийг бууруулж, шалтгаан нөхцөлийг арилгах чиглэлээр холбогдох эрх зүйн актуудыг хянаж, санал боловсруулжээ. Дараах эрх зүйн актуудыг хянаж, холбогдох саналыг хүргүүлсэн байна. 

• “Нийслэлийн нутаг дэвсгэрт нийтийн хэрэгцээний авто зогсоолын үйл ажиллагаа эрхлэх журам”
• “Сайншанд бүсийн нислэгийн хөдөлгөөний удирдлагын төвд ажиллах нислэгийн хөдөлгөөний удирдагчдыг бэлтгэх сургалтад суралцагч сонгон шалгаруулах журам”
• “Тендер шалгаруулалтын гомдол хянан шийдвэрлэх журам”, “Худалдан авах ажиллагаанд баталгаа гаргах, орлого болгох журам”

Эх сурвалж: АТГ