Нийслэлийн Засаг даргын 2026 оны А/396 дугаар захирамжаар “Улаанбаатар марафон-2026” олон улсын гүйлтийг тавдугаар сарын 23-ны өдөр нийслэл хотод 11 дэх удаагаа зохион байгуулна.

Марафонд гүйх иргэдийг www.ulaanbaatar.marathon.mn цахим хуудсаар тавдугаар сарын 1-ний 17:00 цаг хүртэл бүртгэсэн. 

4-р сарын 29-ний өдрийн байдлаар 18 мянга гаруй хүн бүртгүүлээд байсан бол сүүлийн хоёр өдөрт иргэд эрчимтэй бүртгүүлж, бүртгэл хаах 5-р сарын 1-ний 17.00 цагийн байдлаар 46306 хүн бүртгүүлжээ.

Энэ жил марафоныг үндсэн таван төрлөөр зохион байгуулна. Үүнд: 

• 42 километрийн марафон- Энэ зайд 18-аас дээш насны иргэд гүйнэ.
• 21 километрийн буюу хагас марафон- Энэ зайд 18-34, 55-аас дээш насныхан гүйнэ.
• 10 километр буюу спорт гүйлт- Энэ зайд 18-аас дээш насны бүх иргэд гүйнэ.
• 5 километр буюу эрүүл мэндийн гүйлт
• 800, 1500 метр буюу гэр бүлийн гүйлт