Таван Богд Финанс ББСБ Монгол Улсын Засгийн газар, Монголын Үндэсний Худалдаа, Аж Үйлдвэрийн Танхимаас хамртан эрэмбэлдэг Монгол Улсын “ТОП-100” аж ахуйн нэгжээр тодорлоо.

Энэхүү нэр хүндтэй шалгаруулалт нь Таван Богд Финанс ББСБ-ын хувьд бахархам амжилт бөгөөд байгууллагын тогтвортой өсөлт, хариуцлагатай үйл ажиллагаа, технологийн шинэчлэл, харилцагчдын итгэл болон хамт олны нэгдмэл хичээл зүтгэлийн үр дүн юм.
Таван Богд Финанс ББСБ нь ISO/IEC 27001:2022 мэдээллийн аюулгүй байдлын олон улсын стандартыг 3 дахь жилдээ амжилттай хамгаалж, мөн IDCXS2022:02 дижитал харилцагчийн туршлагын стандартаар “Олон Улсын Төгөлдөршил” түвшинд баталгаажсан байна.

Тогтвортой хөгжлийн чиглэлээр хэрэгжүүлж буй TreeOn төслийн хүрээнд тус байгууллага нийт 30,600 кг CO₂ шингээх 1,530 модыг бодитоор тарьж ургуулаад байна. Энэ нь байгаль орчинд ээлтэй, хариуцлагатай бизнесийн зарчмыг бодит үйл ажиллагаагаар хэрэгжүүлж буй томоохон илэрхийлэл.

Мөн Таван Богд Финанс ББСБ-ын PayOn аппликейшний нийт татсан тоо 1,900,000 гаруйд хүрсэн гэдэг нь харилцагчдын итгэл, дижитал санхүүгийн үйлчилгээний хүртээмж, байгууллагын тасралтгүй хөгжлийн тод жишээ боллоо.

Энэхүү амжилтад хувь нэмрээ оруулсан нийт харилцагч, түнш байгууллагууд болон Таван Богд Финанс ББСБ-ын хамт олондоо чин сэтгэлийн талархал илэрхийлье.

Бид цаашид ч санхүүгийн хүртээмжийг нэмэгдүүлж, дижитал үйлчилгээний чанар, мэдээллийн аюулгүй байдал, тогтвортой хөгжлийг эрхэмлэн, харилцагч төвтэй, хариуцлагатай санхүүгийн үйлчилгээг хүргэхийн төлөө тууштай ажиллах болно.