Өнөөдөр 06.00 цагийн үед Баянзүрх дүүргийн нутаг дэвсгэр Дарь эхийн Ганц худагийн буудлын орчимд нийтийн тээврийн хоёр автобус, приус 20 маркийн автомашин мөргөлдсөн осол гарчээ.

Приус 20 маркийн автомашин огцом эргэснээс үүдэн дээрх осол гарсан байж болзошгүй гэсэн урьдчилсан дүгнэлт гараад байгаа талаар Замын цагдаагийн албанаас мэдээллээ.

Автобуснууд зорчигчгүй явж байсан бөгөөд ослын улмаас хүний амь нас эрсдээгүй, бэртэл гэмтэл авсан хүн байхгүй аж.

Хэргийг Баянзүрх дүүргийн замын цагдаагийн хэлтэст шалгаж байна.