Маргааш Дээрхийн гэгээн XIV далай лам ес дэх удаагаа Монголд айлчлах гэж байна. Японоор дамжин ирэх Далай ламын айлчлал 18-22-ны хооронд дөрвөн өдөр үргэлжлэх бөгөөд Их Тэнгэр цогцолборт байрлана гэдгийг Монголын Бурхан Шашны шинэ төвөөс мэдээллээ.

Далай лам Соёлын төв өргөө болон Бөхийн өргөөнд сүсэгтэн олонд ном айлдана. Мөн арваннэгдүгээр сарын 14-21-ний өдрүүдэд Гандантэгчинлэн хийдийн Идгаачойзинлин дацанд болж буй "Шарын шашны лүүжин ерөөл 2016" хуралд Далай лам даган баясаж оролцох гэнэ.

Түүнчлэн Есдүгээр Богдын хойд дүр буюу Аравдугаар Богдыг тодруулах ажлыг XIV Далай лам гардан зохион байгуулна гэж  Монголын Бурхан Шашны шинэ төвийн тэргүүн, Их хүрээ хийдийн хамба лам З.Санждорж хэллээ.