“Playtime" наадмын хоёр дахь урьдчилсан арга хэмжээ Улсын Их Дэлгүүрийн гадна талбайд өнөөдрийн 21 цаг хүртэл үргэлжилнэ. Уг фестивалийн хамгийн эхний арга хэмжээ өнгөрөгч дөрөвдүгээр сарын 30-ны өдөр Сүхбаатарын талбайд амжилттай болж өндөрлөсөн.

Инновац, технологийн дэвшил, ногоон ирээдүй, хүний хөгжил, менежментийн шийдлээр бизнесийн хөгжлийн шинэ үеийг цогцлоох эрхэм зорилгын хүрээнд соёл урлагаар дамжуулан хэрэглэгчдийнхээ хувь хүний хөгжилд хувь нэмэр оруулахаар “Номин Холдинг” компани PLAYTIME 2023 фестивальд нэгдэж ерөнхий ивээн тэтгэгчээр ажиллаж байна.

"Номин Холдинг" компанийн олон нийттэй харилцах менежер Ц.Ундармаа “Та Nomin Holding x PLAYTIME 2023 асраар зочлон мерчиндайз бүтээгдэхүүнээс худалдан авалт хийх боломжтой. Мөн Улсын Их Дэлгүүрийн хоёрдугаар давхарын үзэсгэлэнгийн танхимаас PLAYTIME наадамд шаардлагатай Номин Хоумстайлын аяллын брэндүүдээс хувийн бэлтгэлээ хангаж Номин Фейшны брэндүүдээс гоёмсог, дэгжин хувцаслалт бүрдүүлнэ үү. Ирэх сарын 6,7,8-ны өдрүүдэд болох үндсэн "Playtime 2023" наадмын талбайд манай компани өөрийн инсталяци, тайзыг тохижуулж хамгийн шинэлэг сонирхолтой бүтээлч хэв маягийг бүрдүүлнэ.

Мөн Playtime PLUS хөтөлбөрөөр, наадмын эхний өдөр НОМИН Холдинг компанийн нийгмийн хариуцлагын хүрээнд Тогтвортой хөгжлийн зорилтын 13 дахь зорилт болох "Хуурай газрын экосистемийг бүрдүүлэх" зорилттой уялдуулан хэрэгжүүлж буй "Байгальд ээлтэй НОМИН" төслийг танилцуулж залуустайгаа хамт өнгөрүүлэх болно" гэв.

Өнгөрсөн хугацаанд 20 гаруй орны нийт 800 гаруй хамтлаг, уран бүтээлчид тус наадамд оролцсон байна.

“Playtime" олон улсын хөгжмийн наадам нь Монгол Улсад 1990 оны сүүлч, 2000 оны эхээр дэлгэрч эхэлсэн рок, метал, инди хөгжмийн шинэ дуугаралт, түүний төлөөлөл болсон хамтлаг, уран бүтээлчдийн дуу хөгжмийг олонд хүргэх тайз болсноороо онцлог. Наадмын амин сүнс нь чанартай хөгжмийн хөтөлбөр байдаг. Өнгөрсөн хугацаанд 20 гаруй орны нийт 800 гаруй хамтлаг, уран бүтээлчид тус наадамд оролцож, хөгжим сонирхогчдоос өндөр үнэлгээ авдгаараа онцлог.

Энэ хугацаанд Yo La Tengo, The Radio Dept, Муммий Тролль, Peter Hook and The Lights, The Wedding Present, The Pains of Being Pure at Heart, Mono, The Fin, Envy зэрэг дэлхийн алдартай хамтлаг, уран бүтээлчдээр наадмын цар хүрээг тэлсээр ирсэн.

Харин өнгөрсөн жилийн буюу “Playtime-2022" наадам дөрөв хоногийн турш, 15 тайзнаас 150 хамтлаг, уран бүтээлчид инди, рок, фолк, метал, жааз, электроник, хип хоп, регги зэрэг олон төрлийн урсгал дуу хөгжмийг толилуулсан юм.