Японы Гаалийн статистикийн газрын мэдээгээр 1-6 дугаар сар хүртэлх хугацаанд 14 мянган хуучин автомашин Монгол руу ачсан байна.

Топ 10 улс

             Улс               Худалдан авсан автомашины тоо         Зах зээлийн үнэлгээ (иенээр)

1.         ОХУ                                   260,008                                       163,251,031,000
2.         Чили                                   55,461                                          11,744,217,000
3.         Арабын Нэгдсэн Эмират     37,167                                            9,321,093,000
4.         Шинэ Зеланд                      35,640                                           17,991,266,000
5.         Монгол                               14,322                                             4,342,595,000
6.         Кени                                   13,013                                             7,342,810,000
7.         Өмнөд Африк                     12,904                                            3,545,133,000
8.         Сингапур                            12,894                                          21,078,435,000
9.         Малайз                               12,746                                          25,317,559,000
10.        Бангладеш                        10,208                                         10,706,168,000

Дээрх тоонд ачааны машин ороогүй, зөвхөн суудлын тэрэг багтжээ. Дээрх 10 улс Японы хуучин автомашины зах зээлийн 80 хувийг эзэлдэг бөгөөд хамгийн том импортлогч орон нь ОХУ гэнэ.Энэ оны эхний хагаст 580 мянга гаруй хуучин автомашиныг 161 орон худалдан авчээ. Үүний талаас илүү хувь нь Оросын зах зээл рүү гарсан. Мөн Чили, Арабын Нэгдсэн Эмират гол худалдан авагч орон хэвээр байна. Харин Шинэ Зеландад автомашинаас ялгарах хорт утааны эсрэг хууль гарсны улмаас хуучин автомашин худалдан авах нь буурчээ. Мөн томоохон худалдан авагч орон байсан Пакистан дотоодын эмх замбараагүй байдлаас болж худалдан авалт нь буурч эхний арваас "мултарчээ". Пакистан улс 19 дүгээр байрт орж 4,400 автомашин л худалдан авсан байх юм.

Дээрх статистикийн баримтаас нэгэн сонирхол татам тоо харагдаж байгаа юм. Монголчууд 14 мянган автомашиныг дөрвөн триллйон иенээр худалдан авсан байх юм. Тэгэхэд малайз, сингапурчууд 12 мянган автомашиныг 21-25 триллионоор үнэлэгдэх зах зээлийн үнэлгээгээр буюу нэг автомашиныг дунджаар 1.6-1.9 сая иенээр худалдан авчээ. Үүнээс харахад малайз, сингапурчууд өндөр үнэтэй, олон арван мянган км яваагүй, нэгээс хоёр жил болсон автомашиныг авдаг нь анзаарагдав. Харин Монгол, Өмнөд Африк хоёр хямдыг буюу дунджаар нэг автомашиныг 275-300 мянган иенээр (гурван сая орчим төгрөг) худалдан авдаг ажээ.

Ч.Сумъяабазар