Монгол түмний уламжлалт баяр Цагаан сар маргааш болно. Хатуу өвлийг өнтэй давж, хаврын урьтай золгосны баяр нь Цагаан сар юм.

Нөгөөтэйгүүр ураг төрлөө таньж мэдүүлэх зорилгоор ахмад буурлууд Сар шинээр нэг дор цугласан олныг өөр хооронд нь танилцуулдаг уламжлалтай.

Монгол хэл арвин баялаг үгийн сантай тул садан төрлийн хүмүүс нэгнээ хэрхэн нэрлэхийг нэг бүрчлэн оноож нэрлэжээ. Гэвч сүүлийн жилүүдэд бид өөр хоорондоо ярихдаа «манай аавын ахын хүүхэд, ээжийн эгчийн нөхөр» гэх мэт сунжруулан, буруу ярих болов. Иймд Удам цахим хуудсыг эрхлэгчид дараах мэдээллийг бэлтгэжээ.