Энэ сарын 24-ний даваа гарагаас эхлэн Байгаль орчин, ногоон хөгжлийн яам автомашины зогсоолын талбайгаа иргэд, үйлчлүүлэгчдэдээ чөлөөлж өгөхөөр болжээ.

Нийслэлийн Засаг дарга бөгөөд Улаанбаатар хотын захирагч Э.Бат-Үүл өнгөрсөн сарын 24-ний өдрийн А/532 тоот захирамжаар төрийн болон үйлчилгээний байгууллагуудын гаднах авто зогсоолын талбайн 80-аас доошгүй хувийг үйлчлүүлэгчдийн автомашины зогсоолоор ашиглах нөхцөл бүрдүүлэхийг дүүргүүдийн Засаг дарга, байгууллагын удирдлагуудад үүрэг болгосон.

Энэхүү ажлыг дэмжин Байгаль орчин, ногоон хөгжлийн яам зогсоолоо чөлөөлж байгаа нь энэ аж. Гэхдээ иргэд "Үйлчлүүлэгчийн түр зогсоол-30 минут" гэсэн бичигтэй талбайд автомашинаа 30 минутаас ихгүй хугацаагаар байрлуулах ёстой ажээ.