Сургуулийн өмнөх насны болон ерөнхий боловсролын сурагчдын дунд жил бүр зохиогддог "Уран жиргээ" наадам Дорноговь аймгийн төвд болж өндөрлөлөө. Уг наадам нь сургуулийн өмнөх насны, бага, дунд ахлах насны гэсэн дөрвөн ангиллаар явагдсан юм.

Уралдаанд 260 гаруй хүүхэд оролцсоноос сургуулийн өмнөх буюу хамгийн бага насны ангилалд Дорноговь аймгийн Сайншанд хотын II цэцэрлэгийн Б.Энхсувд, бага насныхад Айраг сумын сургуулийн II ангийн сурагч С.Цэлмэг, дунд насанд Сайншанд сумын I сургуулийн IX ангийн сурагч Т.Ганжаргал, ахлах насны ангилалд мөн сумын III сургуулийн XI ангийн сурагч Э.Ариунцэцэг нар тэргүүн байрт шалгарсан байна.

Уг наадмын зорилго нь өөрийн орны болон дэлхийн зохиолчдын бүтээлийг хүүхдүүдэд сурталчилж тэдэнд таниулах, тэдний хэл яриаг яруу тод болгоход оршиж буй ажээ.

С.Туул http://www.niigmiintoli.mn/