-“Буянт-Ухаа-1” хорооллын хоёр дахь удаагийн сугалаа маргааш 15.00 цагт Спортын төв ордонд болно-

Төрийн орон сууцны корпорацийн захиалгаар баригдсан “Буянт ухаа 1” хороолол нь 1764 айлын орон сууц бөгөөд энэхүү орон сууцны захиалагчийг олон нийт ил тод тодруулах үүднээс МҮОНТВ-ийн 2 дугаар сувгаар шууд дамжуулан байрны азтанг тодруулах сугалааг зохион байгуулж байсан.

Энэхүү сугалаагаар нийт 1540 азтанаар тодорч орон сууц захиалах эрхтэй болсон бөгөөд өнөөдрийн байдлаар нийт эрх бүхий азтнуудын 1217 иргэн “Буянт ухаа 1” хорооллын захиалгын журмын дагуу орон сууцны урьдчилгаа 30 хувийн төлбөрийг төлөн захиалгын гэрээг байгуулаад байна.

            Журамд заасан хугацаанд урьдчилгаа төлөөгүй гэрээ байгуулаагүй иргэдийн эрхийг цуцалж  дараагийн иргэдэд боломж олгох үүднээс хоёр дахь шатны сугалааг долдугаар  сарын 25-ны өдөр  15.00 цагт  Спортын төв ордонд зохион байгуулах боллоо.

Хоёр дахь шатны сугалаагаар 323 орон сууцны эрхийг олгох бөгөөд өмнө нь сугалаанд оролцсон боловч орон сууцны эрхийн азтан болоогүй Төрийн албан хаагчид, залуу гэр бүл, ахмад настан, хөгжлийн бэрхшээлтэй иргэдийн дунд явагдана.

            Дашрамд дурдахад, “Буянт-Ухаа 1” хорооллын нийт 28 орон сууцны барилгын Улсын комиссын акт гарч дууссан бөгөөд Орон сууцанд хамрагдах журмын дагуу байраа сонгож, төлбөрийн асуудлыг шийдсэн  иргэдийн үл хөдлөх эд хөрөнгийн гэрчилгээ гарч эхлээд байгаа аж.

"Буянт-Ухаа-1" хороололд орон сууцны 8 хувийн зээл олгож буй арилжааны банкуудын салбар, тооцооны төвүүдийн жагсаалт