Үндэсний портал GoGo.mn сайтын блогийн хэрэглэгчдийн бичлэгээс та бүхэнд хүргэдэг билээ. Энэ удаа Катузо блогчны “Монголдоо Монголоороо амьдармаар байх юм!” бичлэгийг хүргэж байна. Телевизийн холбооныхонд хандсан энэхүү бичлэг нь егөөдлийн хэлбэрийг ашигласан байна. Ингээд та бүхэн бичлэгийг хүлээн авна уу.

Монголдоо Монголоороо амьдармаар байх юм!

Урьд нь анзаардаггүй байсан байж магадгүй юм гэхдээ л сүүлийн үед нэг зүйл маш хүчтэй мэдрэгдээд байдаг болчихлоо. Зурагтаар хэдэн нэврүүлэг үзэхээр хөтлөгч нар нь англи ч юм уу, африк ч юм уу бүү мэд элдэв үг хавчуулж яриад байх юм. Тэрийг нь ойлгохгүй юм. Тэгээд ямар толь (англи хэлний толь) шүүрч авалтай биш дээ. Дэмий л уцаарлаад өнгөрөх юм. Монголдоо би Монголоороо тайван сайхан амьдармаар байна шд.

Ингээд GoGo.mn дээр байдаг зурагтын хөтөлбөрийн хуваариар хальт шагайж зөвхөн өнөөдрийн буюу баасан гарагийнхаасс гадаад нэртэй нэвтрүүлгүүдийг ялгаж бяцхан жагсаалт үүсгээд үзье.

За уучлаарай арай богино болох болов уу гэж бодтол бүр том жагсаалт болчихлоо. Ийм их байдаг гэж бодсонгүй. Энэ чинь зөвхөн нэг л өдрийн хуваариас шүү дээ!

Дээрх жагсаалтад "MM-Today", “English news” гэж MNTV (MҮОНТВ)-ийн нэвтрүүлгийг оруулсангүй. Угаас гадаад хүнд зориулж хийж байгаа юм чинь гадаад нэртэй байлгүй яахав.

Монголдоо амьдрахын тулд надад англи хэл хэрэг болоод байх юм. Энэ юуных вэ? Юу гэж ойлгох вэ? Энэ одоо хөгжил үү?

“Үхсэн баас”-ных нь хөгжил байх вэ дээ, энэ чинь мөхөл!

http://katuzo.blog.gogo.mn