“Шилмэл загвар” ХХК-иас тав дахь жилдээ зохион байгуулж байгаа “Miss Mongolia” өчигдөр амжилттай зохион байгуулагдлаа. Монголд болдог миссийн тэмцээнүүдээс мэргэжлийн түвшинд зохион байгуулагдаж цаашлаад тус тэмцээнээс шалгарсан охид олон улсын нэр хүндтэй тэмцээнүүдэд оролцдогоороо “Miss Mongolia” онцлогтой.

Энэ жилийн “Miss Mongolia-2008”-д нийт 150 гаруй охидоос 21 хацар гоо бүсгүй шалгаран оролцсон юм. Эхний таван байранд буюу олон улсын тэмцээнд хүчээ сорих охидоор Э.Сэлэнгэ /Best model international/ , П.Шүүдэрцэцэг /Miss tourism/, Г.Болорцэцэг /Miss global city/, Н.Чимэдлхам /Miss Intercontinental/ нар шалгарсан бол энэ жилийн гранпри буюу “Miss International” тэмцээнд оролцох эрхийг 1988 онд төрсөн О.Хулангоо авлаа.

“Miss Mongolia-2008”-ийн фото сурвалжлагыг та манай холбоотой мэдээнээс хүлээн авч үзнэ үү.

Б.Солонго