Хөвсгөл аймгийн Баянзүрх сумын ЕБС-ийн барилга 2017 онд ашиглалтад орсон ч  хана нь хагарч цуурчээ. Хана нь хагарч цуурснаас тэнгэр харагдаж буй ангид сурагчид гадуур хувцас, малгайтайгаа хичээлдээ суудаг тухай бичлэгийг сурагчид хийж, нийгмийн сүлжээнд тавьжээ.

Сурагч, Манай сургуулийн хана хагарч цуурснаас ангидаа байхад тэнгэр харагддаг. Гадаа байгаа юм шиг маш их салхи сийгдэг.  Бид нар гадуур хувцастайгаа, зарим нь малгайтайгаа хичээлдээ суудаг гэв. 

Боловсролын сайд П.Наранбаяр орон нутагт ажиллахдаа тус суманд очиж, нөхцөл байдалтай танилцаад орон нутгийн удирдлагуудад яаралтай их засвар хийх үүрэг өгсөн байна.