Пара бочигийн ес дэх удаагийн УАШТ эхэллээ. 

Тус тэмцээнд 21 аймаг, 9 дүүргээс нийт 86 тамирчин оролцсон нь урьд өмнөх тэмцээнүүдээс хамгийн олон оролцогчтойд тооцогдож байна. Мөн энэ удаагийн тэмцээнд СЭМҮТ-ийн Сэтгэц, нийгмийн сэргээн засах эмчилгээний тасгаас тамирчид анх удаа оролцжээ.

Монголын Пара бочигийн холбооны тамирчид өнгөрсөн нэг жилийн хугацаанд:

• Азийн залуучуудын наадмаас спортын мастер Д.Дагмидмаа BC2 ангилалд хүрэл медаль
• Бахрейн Финланд болон Австрали улсад зохион байгуулагдсан Дэлхийн цуврал тэмцээнээс үндэсний шигшээ багийн тамирчин, спортын мастер Т.Мөнхдэмбэрэл BC1 ангилалд гурван мөнгөн медаль
• Польш болон Финланд улсад зохион байгуулагдсан Дэлхийн цуврал тэмцээнээс үндэсний шигшээ багийн тамирчин, спортын мастер Х.Ирмүүн хос хүрэл медаль тус тус хүртсэн байна.

Сонирхуулахад, Пара бочи нь 1984 оноос эхлэн Паралимпын нэг төрөл болсон бөгөөд "Бочи" гэдэг нь итали хэлний bottia буюу бөмбөг, аяга гэсэн утгатай. Харин пара бочигийн үүслийг эртний Грек улсаас гаралтай гэж үздэг ба тухайн үед тоглогчид том чулуугаар чулуун бай руу шиддэг байсан түүхтэй аж.