УИХ дахь Ардчилсан Намын бүлгээс “Туулын хурдны зам” төслийн хүрээнд нээлттэй хэлэлцүүлгийг  зохион байгуулсан.

УИХ-ын гишүүн, УИХ дахь Ардчилсан Намын бүлгийн дэд дарга Б.Жаргалан: 
“Туулын хурдны зам” төслийн гүйцэтгэгч аль хэдийн шалгараад тодорхой хэмжээний мөнгөн урьдчилгаа шилжсэн байхад байгаль орчны нарийвчилсан үнэлгээ нь засвартайгаар батлагдсан байна. Мөн Туул голын усны нөөцийн нөлөөллийн судалгаа хийгдээгүй. Энэ бүхэн хууль зөрчсөн байж болзошгүй гэж хардаж байна.

“Туулын хурдны зам” төслийн төсөвт өртөг нь 2 их наяд 345 тэрбум төгрөг. Энэ өртөг нь анх 1.9 их наядаар батлагдаж байсан ч богино хугацаанд төсөвт өртөг нь нэмэгдсэн. Өөрөөр хэлбэл, 32 км замын нэг км замын өртөг нь 70 гаруй тэрбум төгрөг гэсэн үг. Энэ нь мөн эргэлзээ дагуулж байна.

“Туулын хурдны зам” төслийн  бүтээн байгуулалтын явцад 2574 багана бүхий гүүрэн байгууламж барина гэсэн. Гэтэл түүнээс 18 нь Туул голын голдрил дотроо, 2566 багана нь голын татам хөндий хэсэгт байрлахаар байна. Энэ бүх асуудал нь Туул голын урсцад ноцтой нөлөөлж болзошгүй талаар судлаачид байр сууриа илэрхийлсэн.