Норвегийн хаан Харальд V 89 насандаа таалал төгслөө. Түүнийг өнөө өглөө 6:35 цагт Осло хотын их сургуулийн эмнэлэгт таалал төгссөн тухай хааны ордны хэвлэлийн алба мэдээллээ. Харальд V хааныг өөд болсны дараа хааны ордны дээвэр дээрх төрийн далбааг хагас буулгасан байна.

Тэрбээр цус задралын цус багадалт өвчнөөр өвчилж 14 хоногийн өмнө биеийн байдал хүнд Осло хотын их сургуульд хүргэгдэн иржээ. 

Харальд V 14 дүгээр зуунаас хойш Норвегид төрсөн анхны хаан юм. Түүнийг 53 настай хүү Хокон нь залгамжилжээ. Их Британийн хаан III Чарльз гүн эмгэнэл илэрхийлсэн бол Шведийн хаан XVI Карл Густаф түүнийг “Миний болон Швед улсын сайн найз байсан” хэмээн дурсаж, өв залгамжилсан хүү Хоконд амжилт хүсэв.

Хаан ширээнд 35 жил суусны дараа Харальд Норвегийн хаант засгийг шинэчлэн өөрчилсөн гэж түүхэнд үлдэх ажээ.  Тэрбээр жирийн иргэнтэй гэрлэж, уламжлалыг эвдэж байжээ.

Сүүлийн жилүүдэд Харальд V хаан болон гэр бүл нь дуулиан шуугианд ихэд өртсөн. Тухайлбал, бэр Метте-Марит нь бэлгийн хүчирхийллийн гэмт хэрэгтэн агсан Жеффри Эпштейнтэй холбоотой байсан гэх асуудал болон түүний хүү Мариус Борг Хёйбиг хүчингийн хэрэгт буруутган ялласан.

Эх сурвалж: BBC