УИХ-ын чуулганы үдээс хойших хуралдаанаар дараах асуудлыг хэлэлцэх товтой байна.

• Уур амьсгалын өөрчлөлтийн тухай хуулийн төсөл болон хамт өргөн мэдүүлсэн хуулийн төслүүд 
• Ашигт малтмалын тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хуулийн төслүүд 
• Хот тосгоны эрх зүйн байдлын тухай хууль 
• Санхүүгийн хэрэглэгчийн эрхийг хамгаалах тухай хуулийн төсөл болон хамт өргөн мэдүүлсэн хуулийн төслүүд

УИХ-ын чуулганы хуралдаанаар Уур амьсгалын өөрчлөлтийн тухай хуулийн төсөл болон хамт өргөн мэдүүлсэн хуулийн төслүүдийг хэлэлцэж байна. 

УИХ-ын гишүүн Ч.Ундрам "Энэ хуулийг дэмжиж байна. Монгол орны хэмжээнд сүүлийн 10 жилд 132 нуур ширгэсэн байна. Маш олон мөсөн голын талбай багассан гэх мэтчилэн уур амьсгалын өөрчлөлтөд ихээр өртөж байна. 

Монгол Улс хөдөө аж ахуй, мал аж ахуйн орон. Энэ хуулийн төсөл харин ч оройтож орж ирлээ гэж харж байна. Гол мөрөн ширгэж байгаатай холбоотойгоор салбарын яам хөв, цөөрөм байгуулахад хэрхэн анхаарч ажиллаж байна вэ? Олон тариаланч хөв цөөрмөөс усалгааны системээ авдаг" гэв.