-Эрдэнэт үйлдвэр дахин тэргүүллээ-

Засгийн газар, МҮХАҮТ хамтран жил бүрийн дөрөвдүгээр сард Монголын шилдэг 100 ААН–ийг шалгаруулан зарладаг уламжлалтай. 16 дахь жилдээ болсон шагнал гардуулах ёслол өнөөдөр Төрийн ордны Өргөө танхимд боллоо.

Тухайн оны шилдэг 100 компанийг шалгаруулахдаа Сангийн яам, Гааль, Татварын газар, Нийгмийн даатгалын ерөнхий газар, Статистикийн газар, МҮХАҮТ-аас хамтарсан ажлын хэсэг байгуулдаг юм. Ажлны хэсэг дотоодын ААН-үүдийн 2016 оны дүн мэдээнд үндэслэж,  

• Улсын болон орон нутгийн төсөвт оруулсан татвар,
• Компанийн орлого,
• Ажилчдын тоо,
• Компанийн хөрөнгө,
• Ашиг гэсэн үзүүлэлтээр эрэмбэлдэг.

"Эрдэнэт" үйлдвэр, Оюутолгой, Хаан, ХХБ өнгөрсөн онд энэ жагсаалтыг тэргүүлсэн бол энэ удаад ч байр сууриа хадгалж чаджээ. Ингээд 2017 оны шилдэг 100 ААН-ийг танилцуулъя.

MCS ГРУПП-КОМПАНИУДЫГ ТЭРГҮҮЛЭВ

Шилдэг 100 ААН-ийг тус бүрт нь шалгаруулахын сацуу групп компаниудыг ч харьцуулан харуулдаг. 2016 оны дүнгээр MCS групп-компаниудыг тэргүүлжээ.

Групп компаниуд хамгийн олон хүнийг ажлын байраар хангаж, нийгэм, эдийн  засгийн ач холбогдолтой, томоохон төслүүд хэрэгжүүлэн, өндөр технологи нэвтрүүлдэг давуу талтай. Товчоор хэлбэл тэд зах зээлийн гол тоглогчид байхын сацуу үргэлж анхдагч байж, салбар бүртээ мөс зүсэгчийн үүрэг гүйцэтгэдэг онцлогтой.

Инфографикийг бэлтгэсэн О.Сүхбат