Өнөөдрийн байдлаар нэг ам.доллар 2422 төгрөгтэй тэнцэж байна. Өнгөрсөн оны долдугаар сараас 2500 орчим төгрөгийн үнэтэй байсан долларын үнэ тогтвортой доошилсоор байна. Үүнийг мэргэжлийн хүмүүс  төгрөг ам.долларын эсрэг чангарлаа гэж нэрлэдэг.

ОУВС-тай хамтран ажиллах болсон, БНСУ-аас 500 сая ам.долларын зээл авсан, Хөгжлийн банкны бондыг Засгийн газрын бондоор сольж, төлөх хугацааг хойшлуулсан, Япон Улсаас 800 сая ам.долларын зээл авахаар тохиролцсоны дараа валютын захад эерэг өөрчлөлт гарч, төгрөгийн ханш хэдий бага боловч өссөөр байна.       

Гэхдээ ханшийн архиваас харвал яг нэг жилийн өмнө буюу 2016 оны дөрөвдүгээр сарын 10-ны өдөр Монголбанкны зарласан ханш 2002 төгрөг байжээ.