“Баялагтаа эзэн монгол” ТББ-аас “СОР-17 цэцэрлэгт хүрээлэн, амралт зугаалгын газар байгуулах” тухай мэдээлэл хийлээ.

Тус байгууллагын төлөөлөл:

-Бид “COP-17” дууссаны дараа Монгол Улстай маш том цэцэрлэгт хүрээлэнтэй болж үлдье гэж уриалж байна. Үндэсний их баяр наадмыг үзэхээр гаднын жуулчид ихээр ирдэг. Энэ үед Хүй долоо худагт “COP-17” нэртэй цэцэрлэгт хүрээлэн байгуулсан байх, тэнд жуулчид цагийг таатай өнгөрүүлэх боломжийг бүрдүүлье гэж зорьж байна.  

Соёолонгийн тоосонд дарагдах гэж бид Хүй долоо худаг ордог. Тэнд харагддаг халзан уулыг соёл амралтын хүрээлэн болгоё. Тэнд байгаа хоосон хөндийд дугуйт тэшүүр болон цанын гүйлтийн замуудыг хийнэ. Тэнд олон улсын тэмцээн зохион байгуулъя. Нэгдүгээр хорооллын иргэд Баянзүрх дүүрэг рүү явж Үндэсний цэцэрлэгт хүрээлэнд очиж амардаг биш цааш давхиад Хүй долоо худаг ороод чөлөөт цагаа өнгөрөөх боломжтой болно.