Испани улс Иранд хийж буй довтолгоонд оролцож буй АНУ-ын нисэх онгоцуудад агаарын орон зайгаа хаасан гэж Батлан хамгаалахын сайд Маргарита Роблес даваа гарагт мэдэгдлээ. Ингэснээр өмнө нь хамтран ашигладаг байсан цэргийн баазуудыг ашиглуулахыг хориглосноос гадна дараагийн алхам болж байна.  

“Бид Ираны дайнд холбоотой аливаа үйл ажиллагаанд цэргийн бааз ашиглуулахыг ч, агаарын орон зайгаа ашиглуулахыг ч зөвшөөрөхгүй,” гэж  Батлан хамгаалахын сайд нь хэлсэн байна.

АНУ-ын Ерөнхийлөгч Дональд Трамп өмнө нь Испани улс Ираны дайныг эсэргүүцсэнтэй холбоотойгоор бүрэн хэмжээний худалдааны хориг тавина гэж сүрдүүлж байсан билээ. 

Мөн тэрбээр “Бид Морон, Рота (цэргийн баазууд)-ыг Ираны дайнд холбоотой ямар ч үйл ажиллагаанд ашиглуулахгүй. Энэ байр сууриа бид эхнээс нь Америкийн засгийн газарт тодорхой илэрхийлсэн” гэж нэмж хэлжээ.

Гадаад хэргийн сайд Хосе Мануэль Альбарес энэ шийдвэрийн зорилго нь “Энэ дайны хурцадмал байдлыг нэмэгдүүлэх аливаа үйлдэл хийхгүй байхад чиглэж байна” гэдгийг онцолсон байна.

Харин Цагаан ордны нэгэн албан тушаалтан BBC-д мэдээлэхдээ АНУ-ын цэрэг “Operation Epic Fury ажиллагааны хүрээнд зорилтуудаа бүрэн биелүүлж байгаа бөгөөд Испани болон бусад улсаас тусламж авах шаардлагагүй” гэжээ.

АНУ-ын Ерөнхийлөгч Дональд Трамп өмнө нь Испани улс Ираны дайныг эсэргүүцсэнтэй холбоотойгоор бүрэн хэмжээний худалдааны хориг тавина гэж сүрдүүлж байсан билээ. 

Хоёрдугаар сарын сүүлээр дайн эхэлснээс хойш Испанийн Ерөнхий сайд Педро Санчес АНУ болон Израилийн Иранд хийж буй довтолгоог “болчимгүй” бөгөөд “хууль бус” гэж тодорхойлон хамгийн хүчтэй шүүмжлэгчдийн нэг байсаар ирсэн.

Харин гуравдугаар сарын эхээр Санчес Испани улс Андалус мужид байрлах, хамтран ашигладаг Рота болон Морон цэргийн хоёр баазыг АНУ-д ашиглуулахыг хориглосон юм.

Мөн өнгөрсөн лхагва гарагт тэр “Иранд явуулж буй ажиллагаатай холбоотой бүх нислэгийн төлөвлөгөөг — тэр дундаа шатахуун цэнэглэх онгоцнуудыг хүртэл гээд бүгдийг нь татгалзсан” гэж зарласан байна.

Эх сурвалж: BBC