Хөгжил хөөртэй, хөл хөдөлгөөнтэй их хотын маань зүрхэн тушаа, Төв талбайн зүүн хойд уулзварт байрлах "Galleria Ulaanbaatar" худалдаа үйлчилгээний төвд энэ амралтын өдрүүдээр буюу 21-22-нд Пянз сонирхогч цуглуулагчдын хаврын их цугларалт зохион байгуулагдахаар боллоо.

Энэ удаагийн үйл ажиллагаа дэлхий даяараа тэмдэглэдэг "Record Store Day" буюу "Пянзны дэлгүүрүүдийн өдөр"-тэй давхцаж зориулагдаж байгаагаараа онцлог юм. "Vinyl & Music" нэртэй энэ өдөрлөг 2 дахь жилдээ зохион байгуулагдаж байгаа бөгөөд өдөрлөгт Улаанбаатар хотод үйл ажиллагаагаа явуулдаг ихэнх пянзны дэлгүүрүүд, хувиараа пянзны худалдаа эрхлэгчид оролцож, зөвхөн энэ өдөрт зориулж өөрсдийн бараа бүтээгдэхүүндээ хөнгөлөлт, хямдрал, урамшуулал зарлаж байгаа нь пянз сонирхогч цуглуулагчид сайхан боломж билээ.

Дэлхий даяар эргэн давлагаалж, сэргээд байгаа пянзны соёлтой хөл нийлүүлэн алхаж буй “Бүх нийтийг пянзжуулах хөдөлгөөн”-д нэгдэх сонирхолтой, тоглуулагч авахаар сонирхож байгаа ч, яг алийг нь сонгохоо мэдэхгүй эргэлзэж байгаа хүмүүст газар дээр нь зөвлөгөө өгч сонголтод нь манай мэргэжилтнүүд хууччуул туслаад өгөх болно.

Бас пянз тоглуулагчаа огт мөнгөгүй ч аваад харих боломжтой лизингийн үйлчилгээ ч бий. Пянз хөгжимтэй холбоотой бүхэн нэгэн дороо цугларч аялгуу эгшиг хадаасан сайхан орчинд зочлохыг  FB дэх "Пянз сонирхогчдын клуб" группээс урьж байна.

Таныг пянз сонирхох явцад, гэр бүлийнхнийг тань уйдаахгүй, амралтынхаа өдрийг ая тухтай өнгөрөөх нөхцөлийг "Galleria Ulaanbaatar" худалдаа үйлчилгээний төвийн хамт олон бэлтгэлээ. Эмэгтэйчүүдийн дурладаг Говь, Мишел Амазонко зэрэг олон брэндийн дэлгүүрүүд, Япон хоолны жинхэнэ амт Нагоми ресторан, Монгол хоолны тансаг амтыг мэдрүүлэх MG Hot pot, MG steak ресторанууд, багачуудын дуртай KFC, Pizza Hut брэндүүд танай гэр бүлийг хүлээж байна.

Хаяг: Засгийн газрын ордны зүүн талд, "Galleria Ulaanbaatar" худалдаа үйлчилгээний төв

Цагийн хуваарь: 11:00-20:00, ☎️Утас: 75056006