Эрүүл мэндийн яамнаас мэдээлэл хийж байна.

ХӨСҮТ-ийн ерөнхий захирал Д.Нямхүү, Монголд коронавирусийн шинэ тохиолдол илрээгүй. Өчигдөр  57 хүнд шинжилгээ хийлээ. Шивээхүрэн боомтоор ирсэн нэг хүнд сэжиг илэрсэн ба шинжилгээний хариу ХӨСҮТ рүү авчирч байгаа. 104 хүн тандалт судалгаа, шинжилгээ, эмчилгээг үргэлжлүүлж байна.

А.Амбасэлмаа, 3-р сарын 10-наас хойш Монголд 10 удаагийн тусгй онгоц, гаднаас ирсэн 4700 гаруй хүн ирсэн. 11200 хүн давхардсан тоогоор лабортаторийн шинжилгээ хийсэн 1-5 удаа давхар шинжилгээ хийж байж, халдвар авсан нь батлагдсан. Нийт халдвар авсан иргэдийн 60 орчим хувь нь ОХУ-аас ирсэн. Бусад 10 гаруй орноос транзитаар болон шууд нислэгээр орж ирсэн. 

80.4 хувь нь хөнгөн, 14.6 хувь хүндэвтэр, 5 хувь нь маш хүнд байна. 19 нь эмэгтэй, 22 нь эрэгтэй. 13 хүн эдгэрсэн. Үүнээс 4 нь гадаадын иргэн, 2 нь маш хүнд байсныг эмчилж эрүүлжүүлсэн. 

ЭМЯ-ны газрын дарга Д.Нарангэрэл, Монголд сүүлийн 24 цагт коронавирусийн нэг сэжигтэй тохиолдол бүртгэгдлээ. Энэ иргэнд тандалт судалгаа хийж байна.

ЭМЯ-ны Гадаад харилцаа, хамтын ажиллагааны газрын дарга Б.Янжмаа, ОХУ-д өнгөрсөн 24 цагт 10100 гаруй шинэ тохиолдол, 94 нас баралт шинээр бүртгэгдэж нас барсан хүний тоо 1000 давлаа. АНУ-д 1.2 сая хүн халдвар авч, 71 мянга гаруй хүн нас барлаа. CNN-ийн мэдээлснээр АНУ-ын 50 муж улсын 46 нь энэ хичээлийн жилийг хаах нь зөв гэсэн шийдвэр гаргажээ. БНСУ-д сүүлийн хоёр өдөр дотоодод халдвар гараагүй ба гаднаас зөөвөрлөгдөн ирсэн 3 тохиолдол бүртгэгдэж, нэг хүн нас барлаа. Солонгост ирэх лхагва гарагаас эхлэн сургуулиудын үйл ажиллагааг үе шаттайгаар нээнэ гэж мэдээллээ.