Гадуур булан,тохой, зай завсар болгоныг хааж барилгууд баригдаж та битүү булан мөргөөд буцаж байсан нь цөөнгүй болов уу. Дулааны улирал барилгийнхны хувьд ажлын оргил үе байдаг. Үүнтэй холбогдон Хан-уул дүүргийн нутаг дэвсгэрт барилга байгууламжууд олноор баригдаж монгол ажилчид ч цөөнгүй ажилладаг гэнэ. Шоргоолж шиг олширсон барилгийн компаниуд ажилчидынхаа аюулгүй байдалд хяналт тавьдаггүй. Үүний нэг баримт бол Хан-уул дүүрэгт 7сарын 20-ны өдрийн хэмжээнд барилга дээр ажиллаж байсан гурван монгол иргэн унаж амь насаа алдсан байна. Энэ нь анх гарч байгаа хэрэг биш билээ. Хятад монгол хамтарсан олон барилгийн компаниуд байдаг. Гэтэл дандаа монгол иргэдийн амь нас эрсдэж хөршийнхөн энддэггүй нь бас учиртай. Барилга дээр ажилладаг иргэддээ анхааруулахад сонор сэрэмжтэй байж хөдөлмөрийн хууль тогтоомжийн дагуу ажиллахыг хэлэх нь зүйтэй. Ядаруухан тэднийг амьдралын төлөөх тэмцэл нь нөгөө ертөнцөд илгээж байна гэж үү.