Дэлхийн нефтийн нөөц триллион орчим торх байна гэж "Бритиш Петролеум" компанийн тэргүүн Тони Хейворд энд дэлхийн нефтийн их хурал дээр үг хэлэхдээ мэдэгдэв. "Нефтийн нөөц шавхагдсан гэдэг нь худал, бид триллион торх нефть үйлдвэрлэсэн, бидэнд мөн ийм хэмжээний нөөц байна" гэж тэр хэлжээ. Дэлхийн шатдаг хий бас 60 жил, харин чулуун нүүрснийх 130 жил хүрэлцэнэ гэж компанийн Ерөнхийлөгч дурдсан байна. Дэлхий дэх нефтийн өндөр үнэ нь үнийн хөөрөгдөлтэй холбоотой гэсэн санаа бодлыг бас худал зүйл гэж Хейворд тодорхойлжээ. "Хямд эрчим хүчний үе аль эрт өнгөрсөн" гэж тэр тэмдэглэсэн байна. Ирээдүйд нефть олборлох гол нутаг нь Аляска, Умард тэнгис, Мексикийн булан, Орос орон байх болно гэж компанийн тэргүүн хэлжээ. Хэцүү түвэгтэй ордуудыг эзэмшихэд шилжиж байгаатай холбогдуулан компаниудад эдгээр ордыг боловсруулах шинэ загвар хэрэгтэй гэж Хейворд тэмдэглэсэн байна. "Татвар ногдуулах найдвартай тогтолцоо бий болгож, улс орнуудын хоорондын нефтийн худалдааны гаалийн татварыг бууруулах ёстой" гэж дурджээ.