Жүжигчин, улс төрч, дуучин гурав юугаараа адилхан бэ? Үүний хариулт болохуйц сонирхолтой судалгааны дүнг английн “Дэйли Мэйл” сонин нийтэлжээ. Тус улсын иргэд хар дарсан үедээ ерөнхий сайд Гордон Брауныг хамгийн их зүүдэлдэг бол удаад нь Эми Уайнхаус, гуравдугаарт Мэрилин Мэнсон нар орсон байна.

Сэтгэл судлаачид 3500 гаруй хүний дунд санал асуулга явуулсан бөгөөд оролцогчдын тэн хагас нь харж дарахдаа ерөнхий сайдаа зүүдэлдэг гэж хариулсан байна. Үүний шалтгаан нь тус улсын банк, зээлийн салбарт гарсан хямрал хэмээн сэтгэл зүйчид тайлбарлажээ.

Англичууд хар дарах үедээ мөрдөн байцаагдаж, ойр дотны хүнээ алдаж байгаагаар зүүдлэх нь түгээмэл байгаа нь судалгааны дүнгээс ажиглагдсан байна. Санал асуулганд хамрагдсан таван хүн тутмын нэг нь хар дарсан зүүд сэтгэл санааны хохирол учруулдаг гэж хэлсэн бол 20 хувь нь хар дарсаны дараа өдөр нь ажиллах эрч хүч буурсан байдаг гэж хэлжээ.