Шинэ он гарахад ердөө арваад хоног үлдсэн ч хамт олон, албан байгууллагууд хэдийнэ баяраа тэмдэглээд эхэлчихсэн байгаа. Энэ үед  хамгийн эрэлттэйд тооцогддог алиалагчид тэр тусмаа гавь­яат жүжигчин Д.Батсүхийг олон хүн сураглаж буй байх. Элэгний хүнд хэлбэрийн өв­чин туссан гэх таагүй мэдээг олон хүнд дуулгаж, хот хө­дөө­гийн мянга мянган үзэгч­дээ­сээ эмчилгээний зардалд тус­ламжийн гараа сунгахыг хүсч байсан тэр цагаас  хойш хоёр жил өнгөрсөн ч алиалагч маань өнөөг хүртэл сураг ал­дарсан хэвээр. Уг нь "Бие маань дээрдвэл, нэг их удал­гүй тайзнаа эргэн гараад ирнэ" хэмээн ярьж байсан алиалагч Д.Батсүх хаана яваа бол доо.

Уг нь ч саяхныг хүртэл шинэ үеийн хошин урлагийн­хан гавьяатын гэрт ойр ойр­хон очиж, эргэдэг тухайгаа ярьж байсан. Гавь­яат ч тэ­дэнтэй хамтарч уран бүтээл хийнэ гээд амлачих­сан бай­даг. Гэтэл яагаад ч юм, Мон­голын хошин урлагийн нэрт  мас­тер, алиалагч, гавь­яат жү­жигчин Д.Батсүх ойрын өд­рүү­­дэд тэдэнтэй уулзах нь бүү хэл, утсаар ярихыг нь ч тө­вөгшөөдөг болжээ. Гэр бү­лийнхэн нь уулзуулах бүү хэл, утсаар ярихыг нь хо­риглодог болсон гэх. Өнгөр­сөн хуга­цааг зөвхөн гэр зуу­раа л өнгөрүүлсэн ахмад алиалагч зангаа хувиргаж, юунд тэгт­лээ бухимдсаныг мэдэх хүн эргэн тойрныхон дунд нь ховор юм билээ. 

Харин Монголын хошин урлагийн суурийг тавьсан нэгэн үеийнх гэж болох гавь­яат жүжигчин Л.Чаминчулуун, Б.Батзаяа, Б.Туяа нараасаа тэрээр одоо­хондоо нүүр бу­руулаагүй юм байх. Учир нь тэд ойр ойрхон очиж эргэдэг сурагтай. Гавь­яат жүжигчин Л.Чаминчуу­лууны хэлж буй­гаар, тэд энэ онд багтаад  хам­тарсан тог­лолт хийж, үзэгч­дээ хөгжөөх тухай эртнээс төлөв­лөсөн ч тус тусын уран бү­тээл, ху­вийн ажил гэсээр амжаагүй гэсэн. Тэгээд ч саяхан Л.Ча­минчулууныг очиход алиа­лагч Д.Батсүхийн биеийн байдал өмнөхөөс дээрд­сэ­нийг хараад баяртай байгаа гэж ярина билээ.

Уг нь хоёр жилийн өмнө түүнийг элэгний хүнд өвчнөөр өвчилж, БНХАУ-д эмч­лүү­лэхээр явах гэхэд 40 мянган ам.доллар хэрэгтэй болсныг тухайн үед гэр бүлийнхэн нь  ярьж байсан билээ. Тэд хам­гийн тү­рүүнд алиалагч Д.Бат­сүхийн нутаг нэгт нөхөд нь хандсан юм билээ. Тэр үед Барилга, хот байгуулалтын сайд байсан Ж.Наранцацралт агсан гавьяатын эрүүл мэн­дэд хамгийн ихээр санаа зовниж, олон хүнийг алиа­лагчийн эмчилгээнд туслахыг уриалж, хандивын данс хүр­тэл нээж байсныг олон хүн санаж буй байх. Тэрээр хамт­лаг, дуучид, хошин ур­лагийнх­ныг ч хандивын тог­лолт хий­хэд уриалж байж билээ. Нутаг нэгт нөхдийнхөө эрүүл мэн­дийн төлөө тэгтлээ зовинож явсан тэрээр одоо харамсал­тай нь алга. Хэ­дийнэ бурхны орон руу яваад өгсөн.

 Харин нутаг нэгт ах дүүс, найз нөхөд, урлагийнхны тус­ламжтайгаар ахмад алиалагч маань БНХАУ-д нэлээд хэдэн сар эмчлүүлээд ирсэн. Мон­голд ирсэн хойноо ч яаралтай түргэн тусламжаар хэдэнтээ эмнэлэгт хүргүүлж, гэр бү­лийнхнийгээ сандаргасан гэдэг. Одоо бол гавьяат жү­жигчин Д.Батсүхийн биеийн байдал сайжирсан гэсэн сай­хан мэдээллийг уншигчдадаа хүргэе. Түүний фенүүд ч алиалагчийг урлагийн тайзнаа эргээд ирэхийг тэсэн ядан хүлээж,  най­даж буй байх.

Юутай ч шинэ он хаяанд ирлээ. Алиалагч Д.Батсүх үзэгчдээ баясгаж хөгжөөхөөр бэлтгэж байгаа ч юм билүү. Юуны магад?.

Ч.Анна