Анхны цас зөөлөн бударч, нийслэл хот маань өнгө заслаа. Яг л чамтайгаа анх учирсан шиг тийм шинэхэн бас гэгээлэг, цагаахан анхны цас. Чиний минь зөөлөн инээмсэглэл шиг хацар дээр минь буух энэ цас сэтгэлийг минь ямар их хөдөлгөнө вэ...

Шаргал навчис дээр буух цагаахан цас... Чамгүйгээр өнгөрүүлсэн энэ удаан жилүүдэд анхны цас ийм зөөлнөөр бударч, сэтгэлийг минь ингэж их хөдөлгөж байсныг би санахгүй юм... Яг л чи бид хоёрт зориулсан мэт, чимээгүй хараад, түүнийгээ дурсаарай гэсэн шиг зөөлөн будрах... анхны цас орлоо... Эх оронд чинь өвөл ирж буйг сануулсан цас орлоо, хайрт минь... Тэнгэрээс будран будран буух анхны цас чиний минь хайр шинэхнээрээ байгааг надад санууллаа... Чамайгаа санан санан хүлээж, анхны цасыг би алган дээрээ тослоо...