Эм хангамжийн холбооноос Эрүүл мэндийн даатгалын үндэсний зөвлөлийн 12 тоот тогтоол, эмийн үнийн талаар мэдээлэл хийж байна. 

Эрүүл мэндийн даатгалын сангаас үнийн хөнгөлөлт олгох зайлшгүй шаардлагатай эмийн нэр төрөл, үнийн дээд хязгаар, хөнгөлөх хэмжээг Эрүүл мэндийн даатгалын үндэсний зөвлөлөөс тогтоодог. Тус зөвлөлийн 2019 оны долоодугаар сарын 29-ний өдрийн 12 дугаар тогтоол нь хэрэгжүүлэх боломжгүй, хэрэглэгчдийн эрх ашгийн ноцтой зөрчсөн, нэг монополь компанид давуу боломж олгосон байна.

Уг жагсаалтад орсон 170 нэрийн эмийг бөөний үнээс 10-65 хувиар бага үнээр тогтоосон учир эмийн сангууд эдгээр эмийг иргэдэд олгох боломжгүй болгож байна. 170 эмийн 135 нь насанд хүрэгчдийн, 35 нь хүүхдийн эм аж. Иргэдэд сарын бүрийн эхэнд хөнгөлөлттэй эмийг олгодог. Арванхоёрдугаар сарын 1-нээс эхлээд иргэд тогтмол уудаг эмээ авахаар ирэхэд эмийн сангууд хангаж чадахгүй нөхцөл үүслээ. 

Тиймээс Эрүүл мэндийн даатгалын ерөнхий зөвлөл арванхоёрдугаар сарын 1-нээс хэрэгжиж эхлэх энэ тогтоолоо хянаж үзээд, шинэчлэн боловсруулах шаардлагатай хэмээн Монголын эм зүйн байгууллагын нэгдсэн эм холбооноос мэдээллээ.