2026 оны хөл бөмбөгийн Дэлхийн аварга шалгаруулах тэмцээний хасагдах шатны хамгийн сонирхолтой учраануудын нэг, Портул, Хорватын тоглолт өндөрлөлөө. 

Криштиану Роналдугаар ахлуулсан Португал, Лука Модричоор ахлуулсан Хорватын тулаан 2:1 гэсэн тооны харьцаагаар, Португалын хожлоор өндөрлөв. 

Тоглолтын хоёрдугаар үе эхлээд удалгүй Хорватын Иван Перишич өрсөлдөгчийнхөө хаалганд гоол оруулснаар багтаа тэргүүлэл авчрав. 

Түүний хариуг Роналду удалгүй гоолоор барьсан ч отон тоглолт байсан тул гоолыг нь тооцоогүй. 

Португалын багаас булангийн цохилт гүйцэтгэх үед Хорватаас алдаа гаргасны улмаас торгуулийн цохилтыг Роналду гүйцэтгэх болсон. 

Ингээд Роналду торгуулийн цохилтоо амжилттай болгосноор ДАШТ-ий хасагдах шат дахь анхны гоолоо оруулсны сацуу, тооны харьцааг тэнцүүлсэн юм. 
 
Португалын дасгалжуулагч Роналдуг 81 дэх минутад сэлгээ рүү суулгасан. Роналдугүй ч Португалын шигшээ үүргээ сайн биелүүлж, шүүгчийн сунгасан нэмэлт 10 минутад гоол оруулснаар шөвгийн 16-д шалгарав. 

Нэмэлт минутын төгсгөлд /90+12/ Хорватын шигшээгээс гоол оруулсан ч бичлэг шүүж үзсэний дараа отон тоглолт байсан гэж үзсэн тул гоолыг нь цуцалсан. 

Энэ гоол орсон бол тооны харьцаа тэнцэж, нэмэлт цаг сунгах байв. 

Тэд шөвгийн 16-д Испанийн шигшээгийн эсрэг долоодугаар сарын 7-ны өдөр тоглоно.