“Абико” групп Япон улсын зах зээлдээ тэргүүлэгч шилдэг брэндүүдийг соёлын хамт Төв Азийн бүс нутагт нутагшуулах зорилгын хүрээнд Кыргызстан улсад “Абико Номад” компанийг үүсгэн байгууллаа.

Тус компанийн үйл ажиллагааны эхлэл Япон улсын хүнсний салбартаа тэргүүлэгч зах зээлдээ №1 ногоо, жимсний шүүсний “Кагомэ” брэндийг албан ёсоор Кыргызстаны зах зээлд амжилттай нэвтрүүллээ.

Кагомэ брэндийн нээлтийн ёслолын ажиллагаа 2026 оны тавдугаар сарын 28-ны өдөр Бишкек хотноо зохион байгуулагдсан бөгөөд Кыргызстаны зах зээлд орж буй анхны Япон брэндүүдийн нэг болон түүхэнд үлдлээ.

Нээлтийн арга хэмжээнд Монгол улсаас Кыргызстан улсад суугаа бүрэн эрхт элчин сайд болон Япон улсаас Кыргызстан улсад суугаа бүрэн эрхт элчин сайд нар, хүнс үйлдвэрлэл, худалдааны салбарын төлөөлөгчид болон бизнесийн хүрээний зочид оролцож, хамтын ажиллагааны шинэ хуудсыг нээж байгаа энэхүү үйл явдлын ач холбогдлыг өндрөөр онцлон тэмдэглэлээ.

“Абико” групп нь Монгол Улсад хуримтлуулсан туршлага, ололт амжилтдаа тулгуурлан Төв Азийн бүс нутагт эрүүл хүнсний хэрэглээг түгээх зорилгоор үйл ажиллагаагаа өргөжүүлж байна. Энэ хүрээнд байгалийн гаралтай, шим тэжээлээр баялаг “Кагомэ” брэндийн бүтээгдэхүүнийг Кыргызстан улсын хэрэглэгчдэд хүргэж, иргэдийн эрүүл мэнд, амьдралын чанарыг дэмжихэд хувь нэмэр оруулахаар зорин ажиллаж байна.

“Абико” группийн хувьд зөвхөн бүтээгдэхүүн борлуулах бус, эрүүл хүнсний соёлыг төлөвшүүлэх амьдралын чанарыг дээшлүүлэхэд бодит үнэ цэнийг бүтээхэд оршдог. Тиймээс тус компани олон улсын чанартай бүтээгдэхүүн, шилдэг туршлагыг бүс нутгийн хэрэглэгчдэд хүргэх замаар нийгмийн сайн сайханд хувь нэмэр оруулах эрхэм зорилгоо хэрэгжүүлсээр байна.