УИХ-ын Байгаль орчин, хүнс, хөдөө аж ахуйн байнгын хорооноос хүнс, хөдөө аж ахуй, хөнгөн үйлдвэрийн салбарт 2008 оноос хойш төрөөс олгож буй дэмжлэг, урамшуулал болон Засгийн газраас хариуцан төлж буй зээлийн хүүгийн татаас олголтын байдал, хэрэгжилтийн талаар Ерөнхий хяналтын сонсгол зохион байгуулна.

Ерөнхий хяналтын сонсгол 2026 оны есдүгээр сарын 28, 29-ний өдрүүдэд Төрийн ордонд болно.

Сонсголд оролцох хүсэлтэй иргэн, хуулийн этгээд, хэвлэл мэдээллийн байгууллагын төлөөлөл бүртгүүлэх боломжтой бөгөөд бүртгэл есдүгээр сарын 21-ний 17:00 цаг хүртэл үргэлжилнэ. Оролцох хүсэлтийг бичгээр гаргаж, овог, нэр, регистрийн дугаар, оршин суугаа газрын хаяг, шуудангийн хаяг, холбогдох утасны дугаараа бичиж гарын үсэг зурсан байна.

Хүсэлтийг sonsgol@parliament.mn цахим шуудангаар эсвэл  https://forms.gle/4c1Yfhz1G9fiSmpg7 цахим маягтаар илгээж болно. 

Мөн оролцогчид санал, тайлбар, мэдээллээ сонсгол болохоос ажлын хоёроос доошгүй өдрийн өмнө буюу есдүгээр сарын 23-ны дотор бичгээр ирүүлж болно.

Санал, мэдээллийг УИХ-ын Тамгын газрын Хяналт шалгалтын газарт хүлээн авна.

Лавлах утас: 51-261440.

Оролцогч Төрийн ордонд нэвтрэхдээ иргэний үнэмлэх эсхүл E-Mongolia цахим үнэмлэхээ шалгуулж, албаны болон үндэсний хувцастай ирэх шаардлагатай.