МҮХАҮТ-д эдийн засагчид "COVID 19: Эдийн засаг дахь нөлөө, компани дампуурах, иргэд ажилгүй болох, ядуурал гүнзгийрэхээс сэргийлэх арга хэмжээ, судалгаа"-г танилцуулж байна.

Эдийн засагч Б.Дөлгөөн, МҮХАҮТ-ын Ерөнхийлөгч О.Амартүвшин нар судалгааг танилцуулж байна. 

МҮХАҮТ 1500 гаруй компаниас шинэ коронавирусийн ажлын байранд үзүүлэх нөлөө судалгааг авсан бөгөөд ажлын байранд нөлөөлж байна гэж үзэж буй компаниуд 30 хувьд хүрээд байна гэв. 

Шинэ коронавирусийн улмаас эдийн засагт үүсээд буй хүндрэлийн улмаас 260 мянган хүн ажилгүйчүүдийн эгнээнд шилжихэд ойрхон байгаа тул Засгийн газар яаралтай арга хэмжээ авах нь зүйтэй гэв. Мөн аж ахуйн нэгж, байгууллагууд зардлаа танаж эхэлсэн бөгөөд яаралтай зөв арга хэмжээ авахгүй бол эдийн засаг хүндрэх төлөвтэй байгааг судалгаагаар харуулжээ. 

Монголбанкнаас хэрэглээний зээл төлөлтийг 90 хоног царцаасан шийдвэрийг Засгийн газар гаргасан талаар мэдээлж байсан ч одоог хүртэл албажаагүй байгаа нь иргэдийг бухимдуулж байгааг МҮХАҮТ-ын Ерөнхийлөгч О.Амартүвшин хэллээ. 

Эдийн засагт учирч болох эрсдлийг тооцоолсон улс орондоо тохирсон арга хэмжээг авахгүй бол бусад улс орныг хуулбарлах нь хөрсөнд буухгүй гэдгийг эдийн засагчид сануулж байна.