Сүхбаатарын талбай дээгүүр ихэнх хүмүүс хөндлөн гулд алхаад л, өөр өөрсдийн зорьсон газар руугаа яардаг. Гэхдээ “Талбай оръё” гэж хотын захаас, хөдөөнөөс, ер хаа холоос зорин зорьсоор ирэх хүмүүс ч бий. Шинэ жилийн баярыг угтан төв талбайд мөсөн гулгуурын талбай байрлуулснаас хойш ийн зорьж ирэх хүүхдүүдийн тоо ихэсжээ.

Хамрын үзүүр, хацар нь улайсан багачууд даарахыг үл ажран гулгаж, унаж, ойчихыг юман чинээ тоолгүй, тоглож байгаадаа л туйлын жаргалтай байх аж. Хавар болохоос урьтаж, амралт дуусахаас өмнө амжаад гулгаад аваарай, багачууд минь. Сар шинийн баяр болж, урь орох цагаар мөсөн гулгуурын талбайг буулгах юм билээ.