Лигийн зүгээс 2018-2019 оны улирлын бүх рүүки нарын нэг болон хоёрдугаар багт багтсан тоглогчдыг зарлалаа.

Улиралд онцгой тоглосон Лука Дончич болон Трэй Яан нар 1-р багт нэрлэгдэх 100%-ийн санал авчээ. Тэгвэл уг нэг болон хоёрдугаар багт Атланта Хокс болон Лос Анжелес Клиппэрс багаас тус тус хоёр тоглогчид шалгарсан байна.

1-р багт:

1. Лука Дончич ( Даллас Маверикс )
2. Трэй Яан ( Атланта Хокс )
3. ДеАндрэ Эйтон ( Финикс Санс )
4. Жарен Жэксон ЖР ( Мэмфис Гриззлис )
5. Марвин Багли ( Сакраменто  Кингс )

Бүх Рүүки нарын 1-р багт нэрлэгдсэн Лука Дончич энэ улиралд 72 тоглолтод оролцохдоо 21.2 оноо, 7.8 самбар, 6.0 оновчтой дамжуулалт дунджилж нийт найман трипл дабл хийсэн байна.

Харин Трэй Яан улирлыг тааруу эхлүүлж эхний 58 тоглолтдоо 16.9 оноо дунджилж байсан бол сүүлийн 23 тоглолтдоо 24.7 оноо дунджилсан байна. Мөн түүний оновчтой дамжуулалтын дундаж 7.6-аас 9.2 хүртэл өсчээ.

2-р багт:

1. Шэй Гилжс Александр ( Лос Анжелес Клиппэрс )
2. Коллин Сэкстон ( Кливлэнд Кавалиэрс )
3. Лэндри Шамет ( Лос Анжелес Клиппэрс )
4. Мичелл Робинсон ( Нью Йорк Никс )
5. Кэвин Хөрдэр ( Атланта Хокс )

Энэ жилийн бүх рүүки нарын нэгдүгээр багт драфтын эхний таван сонголтоор NBA-д элсэн орсон тоглогчид байгаа юм.

П.Хатансайхан