Кинон дунд реклам биш, реклам дунд кино үзсээр л байна уу?  Телевизийн хөтөлбөрт баригдаж, хүссэн үедээ үзэж бас чадахгүй л байна уу? Дараагийн ангиар ямар үйл явдал гарах бол гэж тэсэн ядан хүлээдэг үү?


 
Бид та бүхэнд Видео сангийн цоо шинэ “Олон ангит” кино цэсийг танилцуулж байна.  Монгол, Солонгос, Америк, хүүхдийн, анимейшн гээд таны дуртай төрлийн цуврал кинонуудаар энэ цэс тогтмол шинэчлэгдэж, баяжсаар байх болно.

Харин 11-р сард та дараах кинонуудыг “Олон ангит” кино цэснээс хүлээн авч үзээрэй.


Хоолны газрын царайлаг залуус. 

Ян Юн Би бол мэргэжлийн улсын шалгалтаа амжилттай өгч ахлах сургуулийн багшаар ажиллах хүсэлтэй коллежийн оюутан.

Тэрээр санамсаргүй тохиолдлоор Солонгосын том баячуудын нэгний хүү Ча Чи Сү гэх их зантай залуутай танилцах болно. Тэд хамтдаа Чой Кан Хюк гэх залхуу эзэнтэй гоймонгийн газарт ажиллаж эхэлснээр цааш цаашдын хөгжилтэй адал явдлууд эхлэх болно.

 

 

Шерифийн орлогч ажилтан Рик Граймс гэгч үүргээ гүйцэтгэж явахдаа буудуулж хүнд шархадсаны улмаас хэдэн сар ухаангүй хэвтэж эмчлүүлнэ.

Нэг өдөр ухаан орж сэрээд  дэлхий ертөнц тэр чигтээ амилсан үхдлүүд буюу зомбинуудаар дүүрсэн байхыг олж мэдэх бөгөөд мөн өөрийгөө дэлхий дээрх сүүлчийн хүн байх ч магадлалтайг ухаарна. Гэвч тэрээр гэртээ буцаж очихдоо эхнэр, хүү хоёроо сураггүй болсныг мэдэж амьд байж болзошгүй гэсэн горьдлого тээн тэдний эрэлд гарах болно.

Ингэж явахдаа тэрээр өөртэй нь адил арай ядан амьд үлдсэн цөөн хэдэн хүмүүстэй таарч тэдний хамт зомбинуудын эсрэг амьд үлдэхийн төлөө тэмцэж эхэлдэг.

 

Хүүхэд багачуудын хайртай баатар По хулсны баавгай болон түүний найзуудад тохиолдсон адал явдал үргэлжилсээр. 

По дасгал сургуулилтаа хийсээр, багшилсаар, идсээр, найзуудтайгаа буу халсаар, бүтэлгүйтсээр мөн баатарлаг үйлс байгуулсаар. Тэрээр Луугийн дайчин гэдгээ баталж нэр хүнд олсон ч цаашид энэ эрхэм үүргээ хадгалахын тулд олон хүчирхэг дайсантай тулах ёстой болдог.

 

Гэмт бүлэглэлтэй тэмцэх газрын тусгай мөрдөгч Ли Тэ Сүн Пусан хотын Хэүндэй дүүрэгт байрлах томоохон гэмт бүлэглэлийг илчлэх зорилгоор уг бүлэглэлийг удирддаг нууцлагдмал гэр бүлд туршуулаар шургалж орох болно.

Гэвч санамсаргүй тохиолдлоор тэр осолдон ой санамжаа алдаж улмаар гэмт бүлэглэлийн толгойлогчийн охинтой хайр сэтгэлийн холбоотой болно.

Харин ой санамж нь сэргэсний дараа Ли Тэ Сүн хайраасаа урваж хайртынхаа гэр бүлийг торны цаана хориулах уу эсвэл ажлаа орхиж хайртай бүсгүйтэйгээ гэмт бүлэглэлийн гишүүн болж үлдсэн амьдралаа өнгөрүүлэх үү гэдэг ээдрээтэй хоёр сонголтын нэгийг хийх хэрэгтэй болсноор үйл явдал үргэлжилнэ.

SBN телевизийн бүтээл болох 'Гэр' олон ангит мелодрам кинонд нэр хүнд бүхий дуучин бүсгүй Гэгээнээ, болон түүний хажуу байшинд ирсэн Цахирмаа, Уянгаа хэмээх бүсгүйчүүдийн тухай өгүүлдэг.

Гурван бүсгүйн амьдралын сонголтыг жишин өгүүлэх энэхүү олон ангит киноны гол дүрүүдэд жүжигчин Ж.Энхтуул /СТА/, топ модель Э.Одгэрэл, топ модель Д.Пүрэвсүрэн нар тоглодог.

Эмэгтэй хүний үнэнч сэтгэл, амьдралд тулгарах саад бэрхшээлийг тэд өөр өөрийнхөөрөө хэрхэн даван туулж байгааг харуулсан 30 ангит кино юм.

 

 

Хүн байгаль эх дэлхийтэйгээ зүй зохисгүй харьцаж, ёс заншил, өв уламжлалаа умартсанаас үүсч болох эмгэнэл, эрсдэлийн талаар сонирхолтой байдлаар өгүүлсэн 'Тоглоомын дүрэм' олон ангит уран сайхны киноны үйл явдал нь эзэнгүй хөвч дэх нууц шүтээнд мөргөхөөр найман хүнтэй аяллын баг замд гарч байгаагаар эхэлдэг.

Гэвч хүн амьтангүй зэлүүд хөвчид тэдний машин эвдэрч, жолооч нь тусламж дуудахаар буцсан боловч эргэж ирсэнгүй. Үлдсэн долоон зорчигч хоол хүнс, ус түлээний асуудалтай нүүр тулгарна. Эрс тэс ааш араншинтай тэдгээр хүмүүстэй хамт та ч бас явсан бол амьд үлдэхийн төлөө бүтэн 20 хоног хэрхэн тэмцэх байсан бол?

 

 

NTV телевизийн уран бүтээл болох 'Бид дөрвийн хайр' олон ангит уран сайхны кино нь гарсан даруйдаа л үзэгчдийг байлдан дагуулж чадсан сериал болсон юм.

Амьдралын гараагаа эхлэж буй залуу хосуудын тухай өгүүлэх уг кинонд нэгэн залуу гэр бүл шинэ байр худалдан авч нүүж ирэх боловч уг байр нь өөр нэгэн гэр бүлд аль хэдийнэ худалдагдсан байхыг мэддэг.

Хуурамч этгээдэд залилагдсан дөрвөн залуу шүүхийн шийдвэрийг хүлээн ганцхан жижигхэн өрөө байранд бие биендээ дасан амьдарч эхэлдэг. Хүн бүрт амьдралд нь олон ээдрээт асуудал тохиолдох бүрт тэд өөр өөрсдийнхөөрөө даван туулж байгааг харуулна.

 

Олон ангит киног хэрхэн үзэх вэ?

Та зурагтынхаа удирдлагыг аваад, дараах зааврын дагуу түрээслэн үзээрэй.

Menu>Видео сан> Олон ангит

Энэхүү цэснээс Олон ангит кино үзсэнээр ямар давуу тал бий болох вэ?

Та хүссэн Олон ангит киногоо нэг хямд төлбөрөөр, бүх ангийг нь үзэх боломжтой. Түрээсийн хямд үнээс гадна үзэх хугацааг тухайн киноны ангийн тоогоор тогтоосон тул танд илүү тав тухыг олгох болно.

Кино түрээслэх хугацаа хэд хоног байх вэ?

Киног түрээслэх хугацаа нь хамгийн багадаа тухайн киноны ангийн тоогоор, эсвэл түүнээс ч олон өдрөөр байх болно. Тиймээс танд илүү тав тухыг олгох болно.

Хүссэн үедээ олон ангит, цоо шинэ киног нэг хямд төлбөр, хямд үнээр үзэхийг хүсвэл, СКАЙМЕДИА –д нэгдээрэй. 11-р сард гурвалсан үйлчилгээний төхөөрөмж 0₮ болон хямдарлаа. Амжиж захиалгаа өгөөрэй. 

Үйлчилгээний багцуудын талаар дэлгэрэнгүй мэдээлэл авах болон захиалга өгөхийг хүсвэл  энд  дарах буюу 7676 9000 /Скайтелийн дугаараас төлбөргүй /  76117611  /Даваа-Баасан 09:00-18:00/ дугаарт холбогдоно уу.