Онгон зэлүүд байгалд нүүдлийн ёс заншлаар мал аж ахуйгаа хөгжүүлсэн цөөхөн улсуудын нэг бол Монгол билээ. Цаг агаарын эрс тэс уур амьсгалд байгалийн цэвэр хэлбэрээр орших Монголын мал аж ахуй дэлхийд өндрөөр үнэлэгдэх баялаг болоод байна.

Монголын маань таван хошуу малын нэг ямаа нь дэлхийд хамгийн чанартайд тооцогдох органик ноолуурыг гаргадаг. Тэгвэл энэ үнэ цэнэтэй түүхий эдийг цааш хөгжүүлэн органик бүтээгдэхүүн үйлдвэрлэх ажлыг Говь ХК эхлүүллээ. Монгол ямааны байгалийн 4 өнгийг ашиглан ямар нэгэн төрлийн химийн будаг, бодисгүйгээр үйлдвэрлэн гаргаж байгаа 100% ноолууран органик бүтээгдэхүүнүүд маань эх орныхоо баялагийг цэвэр төрхөөр нь хэрэглэгчиддээ хүргэх шинэхэн санаа юм. Цагаан, цайвар, хөх саарал, бор өнгөнүүдээс бүрдэх Монгол ямааны органик ноолуур дулаан хадгалах чанар, нарийн ширхэг, үслэгийн зөөлнөөр дэлхий дээр хамгийн чанартайд тооцогддог байна. Говь ХК жил бүрийн хавар Баянхонгор аймгийн Шинэжинст сум, Хэнтий аймгийн Галшар сум, Хөвсгөл аймгийн Төмөрбулаг сумуудаас тусгайлан байгалийн 4 өнгийн ноолуурыг авч боловсруулалт, үйлдвэрлэлийн аль ч үе шатанд химийн бодис (цайруулалт, будалт) ашиглалгүй бүтээгдэхүүнээ гаргах болно. Ингэснээр ноолууран бүтээгдэхүүнүүд маань 100% байгалийн гаралтай (органик) хэвээрээ байх юм.

Тун удахгүй Говь ХК та бүхнийхээ өмнө GOBI-Mongolian Organic Cashmere хэмээх Монгол ямааны байгалийн 4 өнгөөр үйлдвэрлэн гаргасан 100% органик ноолууран бүтээгдэхүүнүүдээ танилцуулж байна.