Баянзүрх дүүргийн 21, 27 дугаар хороодын нутаг дэвсгэрт Насан туршийн боловсролын төвийн барилгын ажил дуусаж ашиглалтад ороход бэлэн боллоо.

Тус барилга нь тэнхлэгээрээ 15м x18м хэмжээтэй бөгөөд сургалтын өрөө, мэргэжилтнүүдийн өрөө, амралтын өрөө, номын сан, хурлын өрөө, хөгжлийн бэрхшээлтэй иргэдэд зориулсан ариун цэврийн өрөө, энгийн ариун цэврийн өрөө, авто зогсоол болон бусад өрөө тасалгаанууд байхаар төлөвлөн гүйцэтгэсэн зоорьтой 3 давхар барилга юм.

Улсын төсвийн хөрөнгө оруулалтаар тус ажлыг “Ситиланд марк” ХХК гүйцэтгэж, нийслэлийн Хөрөнгө оруулалтын газар захиалагчийн хяналтыг хэрэгжүүлэн ажиллав.