Байгалийн баялаг халуун дотно уур амьсгал бүрдүүлдэг

Байгалийн баялгийг эрхэмлэгч жүжигчин Алисия Силверстоун хэлсэн бүхнээ амьдралд хэрэгжүүлэгч нэгэн. Гэрийн тохижилтын тухайд тэрбээр "Бидний гэртээ авсан бүхэн хүрээлэн буй орчныг бүрдүүлэх ёстой" хэмээжээ. Яг л хэлсэн шигээ тохижуулсан гэртээ Алисия нөхөр Кристофер Жарекийн хамт амьдардаг.
Тохижуулах арга:
Байгалийн эд зүйлсийг тавилга, чимэглэл болгон ашигла.

Тод ханын цаас

Ники Хилтон өргөн хээтэй тод өнгөөр Лос Анжелес дахь гэрээ чимжээ. Энэ тухайгаа тэрбээр "Сайн ханын цаас жинхэнэ өөрчлөлтийг бий болгодог" хэмээн тайлбарласан байна.
Тохижуулах арга: Дал мод, эсвэл том навчин хээтэй ханын цаасаар гэрээ чимээрэй.

Нэг хэвийн зүйлс уйтгартай ч...

Загвар зохион бүтээгч Мэйкл Корс гялалзсан сонгодог хэлбэрийн жаазаар Нью-Йорк хот дахь гэрээ чимсэн байна. Хамгийн гол нь түүний бүхий л жааз нэг загварынх. Энэ тухайгаа тэрбээр "Хүн бүр л өөрийн түүхийг бичдэг. Харин энэ бүхнээ энгийнээр бусдад сонирхуулах хамгийн шилдэг арга бол жаазалсан зураг" хэмээжээ.

Цэнхэр цагааны хослол

"Би цэнхэр суурьтай цагаан хээнд дуртай хэмээн жүжигчин Жэнни Гарт өгүүлжээ. Тэрбээр гэрийнхээ сандлыг хүртэл цэнхэр, цагаан хосолсон хоргой торгооор бүтээсэн байдаг.
Тохижуулах арга: Жэнни шиг хятад гар урлалын зүйлсээр, эсвэл зүгээр цэнхэр цагаан хосолсон чимэглэл, тавилгаар гэрээ тохижуулаарай.

Франц гоёл

"Би гэрээсээ халуун дулаан уур амьсгалыг мэдрэхийг хүсдэг. Франц чимэглэл үүнд яг тохирдог" хэмээн жүжигчин Молли Симс өгүүлжээ.
Тэрбээр гэрээ бүхэлд нь Парисын сурвалжтаны маягтай чимэглэлээр гоёсон байдаг.
Тохижуулах арга: Тод өнгийн засалтай өрөөнд Франц маягийн тавилга зохидог. Заавал тавилга гэлгүй жижиг чимэглэл байсан ч болох шүү дээ.

Хурц өнгө бас нэгэн шийдэл

"Нью-Йоркт гэгээлэг, тод өнгө, таримал ургамал шиг хэрэгтэй зүйл үгүй" хэмээн СNN-ийн Кэмпбэл Браун тодорхойлжээ. Тиймээс ч Манхэттэн дэх гэрээ цайвар өнгөөр гоёж, ургамал, цэцэг тавьжээ. Өрөө бүрт тод өнгийн уран зураг, дэр байрлуулсан нь бүр ч өнгө нэмсэн гэлтэй.

Этгээд эд зүйлс

Жүжигчин Ниа Лон гэрээ эртний зүйлсээр чимсэн орчин үеийн засалтай байлгахыг хүсдэг. Тиймээс ч тэднийд ээжийнх нь зурсан зургууд болон эртний олдворууд хаа сайгүй байдаг.
Тохижуулах арга: Зураг дээрх сүлжмэл сав шиг эртний эд зүйлсийг өрөө бүрт тавьчихад л хангалттай.

Гэрэл зураг чимэг мөн

Яагаад өөрийн дуртай зургуудаараа гэрээ чимж болохгүй гэж? Жүжигчин Илена Дугласын Лос Анжелес дахь байшингаас Америкийн кино урлагийн түүхийг харж болохуйц. Тэрбээр гэрэл зургаар гэрээ чимэгч нэгэн. "Би кино урлагийн хүн. Тиймээс ч хаана, хэзээ гэдэг нь чухал биш. Зүгээр л ажлынхаа үеэр зураг дардаг" хэмээн хатагтай Дуглас өвөрмөц зургуудаа тайлбарлажээ. Ингэж авсан зургуудаараа тэр гэрээ чимж, дурсамжаа сэргээдэг аж.