2013 онд улсын хэмжээнд өрхийн амьжиргааны түвшин тодорхойлох судалгаа хийж, Монгол Улсын нийт өрх, хүн амыг амьжиргааны түвшнээр эрэмбэлсэн цахим мэдээллийн сан бүрдүүлсэн юм.

Энэ сангийн мэдээлэлд тулгуурлан Хүн амын хөгжил, нийгмийн хамгааллын яамнаас “Өрхийн мэдээллийн нэгдсэн санг удирдах, ашиглах журам” баталжээ.

Өрхийн мэдээллийн нэгдсэн сангийн мэдээллийг зорилтот бүлгийн хүн амд нийгмийн хамгаалал, халамж, бусад суурь үйлчилгээг хүргэх чиглэлээр хэрэгжүүлэх бодлого, хөтөлбөр, үйл ажиллагаанд салбар дунд ашиглах юм байна.