Дэлхийн банкнаас энэ сарын 24-ний өдөр “Бизнес эрхлэлтийн  индекс 2020” судалгааны дүнг танилцууллаа. Бизнес эрхлэлтийн индексээр Монгол улс 81-д жагссан нь өмнөх жилтэй харьцуулахад 7 байраар ухарсан юм.

Манай улсын хамгийн сул гурван дэд үзүүлэлт нь

• Цахилгаан эрчим хүчинд холбогдох 152 дугаарт,
• Төлбөрийн чадваргүйдлийг шийдвэрлэх 150 дугаарт,
• Хил дамнасан худалдаа эрхлэх 143-р байранд тус тус эрэмбэлэгджээ.

Дэлхийн банкнаас “Doing business” буюу “Бизнес эрхлэхүй” тайланг жил бүр гаргадаг. Дэлхийн улсуудын хаана нь бизнес эрхлэхэд илүү таатай талаарх судалгааны дүнг танилцуулдаг юм. Тус тайланд нийт 190 улсыг хамруулахад манай улс 81 дүгээрт жагсаж байна.