Урт цагаан үйлчилгээний төвийн халуун, хүйтэн усны шугам задарч, 820 м.куб ус уг барилгын хөрсөн доогуур алдагджээ.

“Бид дулааны шугам сүлжээний газарт дуудлага өгснөөр мэргэжлийн хүмүүс ирж гуравдугаар сарын 16-ны өдөр усыг хаасан. Өнгөрсөн даваа гарагаас эхлэн урт цагааны халаалт, халуун хүйтэн усыг хаасан” хэмээн тус үйлчилгээний төвийн дарга П.Батжаргал мэдээллээ. 

-Их хэмжээний ус алдагдсаныг яаж мэдсэн бэ?
-Урт цагаан үйлчилгээний төвийн усны төлбөр сард 3 сая төгрөг гардаг байсан бол өнгөрсөн нэгдүгээр сард усны төлбөр 20 сая төгрөг болсон. Учир шалтгааныг тодруулахаар мэргэжлийн байгууллагад дуудлага өгч шалгуулахад Урт цагаан үйлчилгээний төвийн зүүн хойд захын блокийн сантехникийн шугам хоолой задарч, их хэмжээний ус алдагдаж байгааг тогтоосон гэлээ.