“The Voice of Mongolia” шоуны гуравдугаар улирлын ялагч Г.Даваадалай “Sing! Asia” олон улсын шоу тэмцээнд Монгол Улсаа төлөөлөн оролцож байна.

Тус шоу нь iQIYI стриминг платформ дээр долоо хоног бүр гарч байгаа бөгөөд Хятад, Япон, Малайз, Тайланд зэрэг есөн орны 32 авьяаслаг уран бүтээлчдийг нэгтгэн, алдартай дуучдын удирдлага дор өрсөлдүүлнэ.

Шоуны онцлог нь тансаг аяллын хөлөг дээр зураг авалт хийж, Шанхай, Окинава, Ха Лонг Бэй, Сингапур, Кланг зэрэг газруудаар аялан тэмцээний төгсгөлд Хонконгт очих аж.
Залуу дуучдыг Их Британийн дуучин Жесси Жей, Тайванийн дуучин Жефф Чанг, Хятадын дуучин Жэйн Жан, Малайзын дуучин Азора Чин зэрэг алдартай уран бүтээлчид чиглүүлнэ.

Монголын дуучин Г.Даваадалай Хурд хамтлагийн "Аавдаа би хайртай" дууг дуулсныг доорх бичлэгээс үзнэ үү.