#Dota2 "IESF World Esports Championship 2024" тэмцээнд "Cadis" дасгалжуулагчтай Монголын баг дөрөвдүгээр байр эзэлж 10,000$ авлаа.

Олон улсын электрон спортын холбоо буюу IESF-ээс зохиодог Dota 2-ын шигшээ багуудын дэлхийн аварга шалгаруулах тэмцээн Саудын Арабын Эр-Рияд боллоо.

160 мянган ам.долларын шагналын сантай "IESF World Esports Championship 2024" тэмцээнд Монголын шигшээ багийг төлөөлөн "Cadis" дасгалжуулагчтай Дашзэвгийн "Se" Төгстөр, Батцоожийн "11" Мөнх-Эрдэнэ, "Osocle", Дашдэлгэрийн "Tsukimoto" Мөнхбат, "Mudi" нарын бүрэлдэхүүнтэй тоглогчид оролцлоо.

Тэд хүрэл медалийн төлөө Туркийн багтай тоглож 2-1 харьцаагаар эцсийн мөчид хожигдсоноор тэмцээнд дөрөвдүгээр байр эзэллээ.

• О.Сүхбат "sanctity" шинэ багийнхаа хамт ESL One Bangkok-т оролцоно
• Dota2-ын шигшээ багуудын ДАШТ өнөөдөр эхэлнэ
• А.Билгүүн "423", Б.Мөнхжин "seimei" нар Team Secret багт тоглоно

2023 оны аварга болсон бүрэлдэхүүнээ өөрчилсөн Монголын баг "B" хэсэгт Турк, АНУ-ын багуудыг, шөвгийн наймд Беларусийг хожсон ч хагас шигшээд Грекийн багт хожигдсон.

Улмаар өмнө хожоод байсан Турктэйгээ дахин тоглосон ч энэ удаа ялагч өөр байлаа. Монголын баг дөрөвдүгээр байрын шагнал 10,000 ам.доллар авсан бол Туркийн баг хүрэл медаль, 20,000 ам.долларын эзэн болов.

Монголын баг энэ тэмцээнд Pos1 буюу Carry байрлалын тоглогчгүй оролцсон нь бүрэлдэхүүний хувьд сул тал байлаа.