Японы “Mitsubishi Electric” компанийн бүтээсэн робот 3х3х3 хэмжээтэй рубикийн шоог 0.3 секундэд эвлүүлж, Гиннесийн өмнөх амжилтыг шинэчилсэн байна.

Өмнөх рекорд нь 0.38 секунд байсан бол тус компанийн робот 0.305 секундэд шоог бүрэн эвлүүлж дуусгаснаар ийнхүү амжилтыг шинэчилжээ.
Тус робот нь өнгө таних алгоритмаар ажилладаг бөгөөд биетийг 0.009 секундэд 90 градусаар эргүүлж чаддаг аж. Шинэ амжилт тогтоосон Mitsubishi компанийн инженерүүдэд Гиннесийн амжилтын сертификат олгосон байна. 

3х3х3 хэмжээтэй шоог хамгийн хурдан эвлүүлсэн хүний амжилт 3.13 секунд байдаг бөгөөд 2023 оны зургаадугаар сард уг амжилтыг тогтоож байв.

Эх сурвалж: The Japan Times