Дорноговь аймаг, Даланжаргалан сум Олон-Овоо багийн “Хүрэн-Өндөр” гэдэг газарт  Замын-Үүд сумаас Улаанбаатар хотын чиглэлд зорчиж явсан ачааны автомашины чиргүүл шатжээ.

Онцгой байдлын алба дуудлагыг 08.10-ны өдрийн 07:11 цагт хүлээн авсан байна. Тус аймгийн Онцгой байдлын газрын Айраг сум дахь 23 дугаар ангийн  алба хаагчдыг очиход  “Howo ZZ4257V324HE1B” загварын ачааны автомашины  “Liang Shan CSQ9400XXYC” тентэн бүрхүүлтэй хагас чиргүүл, 21 тонн ачааны хамт шатаж байснаас дөрвөн тонн ачааг аюулгүй гаргаж,  унтраасан.

Аймгийн төвөөс  хойд зүгт 165 км, сумын төвөөс хойд зүгт 16 км, Айраг сумын төвөөс  хойд зүгт 40 км-т энэ гал гарчээ.