Ажлын долоо хоногийн ямар өдөр нь хамгийн хүнд өдөр байдгийг тодруулж чаджээ. Энэ нь даваа гараг биш, учир нь энэ өдөр хүмүүс ажлын байрандаа эрч хүчээ шавхан ажиллахыг мэрийдэггүй хэмээн Их Британийн социологчид нотолж байна.

Судалгаанаас үзэхэд, хамгийн хүнд үе нь мягмар гаригийн үд  дунд, тодруулвал 11 цаг 45 минут байжээ. Энэ үе гэхэд ажилтнуудад ажлын хамгийн их ачаалал ирдэг бөгөөд алдсан цагаа нөхөхийн тулд ажил дээрээ саатахад хүрдэг байна. "Амралтын хоёр өдрийн дараахи хүнд өдөр хэмээн уламжлал ёсоор үздэг даваа гариг
үнэндээ тийм биш ажээ. Ажлын долоо хоногийн хамгийн стресстэй үе бол бид ажлын амтанд жинхэнэ ёсоор ордог мягмар гаригийн үд дүнд болохоос өмнөх 15 минут юм. Олон хүн долоо хоногт хийх учиртай ажлынхаа хэмжээг тооцоолохдоо, үдийн хоол идэхээс ч татгалзахад бэлэн байдаг" гэж судлаач Грэнм Уотерсын хэлснийг  "Дейли телеграф" сонинд дурдсан байна.

Стресстэй нөхцөлд ажиллах нь эрүүл мэндийг муутгаж болох бөгөөд тиймээс өөрийгөө хамгаалж, стрессийн байдлыг аль болох багасгах нь чухал гэдэгт социологчид итгэлтэй байна. Заримдаа даваа гаригийн ихээхэн хэсгийг ажилтнууд ажлаасаа бусад юу л бол юунд зориулдагаа санал асуулгад оролцогчдын 53 гаруй хувь нь хүлээн зөвшөөрчээ. Бас таван ажилтан тутмын бараг нэг нь алдсан цагаа нөхөхийн тулд ажил дээрээ нэлээд саатаж, оройтож харьдаг байна.

Санал асуулгад хамрагдсан 3000 Британи хүний талаас илүү нь ажил дээрээ тогтмол саатаж, ажлын долоо хоногийн туршид сэтгэцийн болон сэтгэл санааны ачаалалд ордог гэдгээ бас хэлсэн байна. Таван хүн тутмын нэг нь өдөр бүр стресст ордог, стресс бол өөрсдийнх нь ажлын нэг хэсэг гэж дурджээ. Арван хүн тутмын нэг нь үүнд өөрийн даргыг буруутгаж, 9 хувь нь хамт ажиллагсадаа зэмлэдэг байна.

Олон хүн стресст шаналж байдагтаа санаа зовдог, учир нь ингэснээр хоолондоо дургүй болж, хоол боловсруулах эрхтэнд ч сөргөөр нөлөөлж мэдэх юм" гэж хоол судлаач Фион Хантер тэмдэглээд, стрессийн байдалд "шингэн их ууж, дархлалын тогтолцоог сайжруулдаг бэлдмэл хэрэглэх хэрэгтэй" гэж хэлжээ.

Я.Сүхбаатар