“UBS Music Video Awards-2013” наадам арваннэгдүгээр сарын 29-нд СТӨ-нд зохион байгуулагдлаа.

Уг ёслолын ажиллагаанд рок попын ихэнх уран бүтээлчид оролцсон бөгөөд албан ёсны нэр дэвшигчдийг шүүгчид сонгон шалгаруулж, дараах 14 номинацид өрсөлдүүлж шилдгүүдийг шалгаруулсан юм.

Шилдэг санаа - The Compass хамтлаг “Чамайг анх”
Шилдэг зураач - “Nigun” энтертайнментийн бүтээл, Rockit Bay “Эвдэрхий хүн”
Шилдэг имиж бүрдүүлэлт - “TJ” энтертайнментийн уран бүтээл, дуучин Дөлгөөн “21 нас”
Эмэгтэй хамтлаг, дуучны шилдэг клип - “Black Zebra”-ийн уран бүтээл, дуучин Нарангийн “Runing to you ”
Эрэгтэй  хамтлаг, дуучны шилдэг клип - UFO хамтлагийн “Мөрөөдлийн зүгт”
Шилдэг эвлүүлэгч, график дизайн - DOZ энтертайнмэнтийн уран бүтээл, дуучин Болд Хулан нарын “Би дурламаар байна”
Шилдэг хамтарсан клип - Дуучин Цэлмүүн, Rockit Bay нарын “Viva Life”
Поп, R&B хамтлаг дуучдын шилдэг клип - “IC Creative Division”-ийн уран бүтээл, дуучин Чойжоо “Хүрч чадахгүй”
Хип хоп хамтлаг, дуучдын шилдэг клип - рэппер Цэцээ
Рок хамтлаг дуучдын шилдэг клип - “The Compass” хамтлаг “Өдний тухай”
Шилдэг зураглаач - “Black zebra” студийн уран бүтээл  Киви хамтлагийн “Харамсч хараад хэрэггүй”
Шилдэг найруулагч – “Nigun” энтертайнментийн н.Анхбаяр, Rockit Bay “Эвдэрхий хүн”
Шилдэг продюсер- Дуучин Болд “Би дурламаар байна”, “Монгол Улсын төлөө зүтгэе” бүтээл
Оны шилдэг клип - “IC Creative Division”-ийн уран бүтээл, дуучин Чойжоо “Хүрч чадахгүй”

Энэ жил “Youtube-д хамгийн олон хандалттай клип” номинацийг шинээр шалгаруулсан бөгөөд үүнд Rockit Bay-ийн “Эвдэрхий хүн” уран бүтээл тодорсон юм. Энэхүү өдөр “Nigun” энтертайнментийн дээрх бүтээл маш одтой байсан гэж хэлж болохоор байлаа.

Энэ жилийн наадмын нэг онцлог нь олон хөтлөгчтэй төдийгүй тэд бүгд жүжигчид, дуучид, уран бүтээлчид байлаа. Төгөлдөр хуурч Ж.Дамдинцэрэн хөтлөгч П.Одгэрэлтэй, “Камертон” хамтлагийн дуучин  Г.Мэнд-Амар “Sweetymotion” хамтлагийн дуучин Э.Ганболортой, “Номин талст” хамтлагийн дуучин А.Хаянхярваа  жүжигчин  Ч.Ундралтай, ОХУ-ын Буриад Улсын Ардын Жүжигчин Б.Амархүү дуучин  Ч.Цэлмүүнтэй, Амай буюу Ж.Золбаяр  жүжигчин Б.Хулантай, хөтлөгч Ц.Зэндмэнэ-Эрдэнэ дуучин Солонготой хослон энэхүү арга хэмжээг  хөтөлсөн юм.


Мөн энэхүү наадмын үеэр олон уран бүтээлчид ая дуугаа өргөсний нэг нь АНУ-аас тус наадмыг зорин ирсэн К.Номинжин өөрийн зохиосон “Cave Woman” хэмээх англи хэл дээрхи уран бүтээлээ толилуулав. Хөгжмийн зохиолч Н.Жанцанноров гуайн шинэхэн уран бүтээлийг ятгачин Ч.Мөнх-Эрдэнэ, хийлч О.Байгаль, морин хуурч Д.Шинэцог, гитарчин Д.Өлзий-Орших нар хамтран тайзан дээр тоглосон нь маш гайхалтай байсан юм.


UBS телевизийн зүгээс шалгаруулсан шилдэг клипээр Никитон  хамтлагийн “Үүлэн үст”  шалгарсан бөгөөд тус хамтлаг энэхүү наадмын хаалтыг хийсэн юм.

Та бүхэн холбоотой мэдээнээс энэхүү наадмын фотог үзнэ үү.

Б.Сондор